НЭЭЛТТЭЙ ХААЛГАНЫ ӨДӨРЛӨГ АРГА ХЭМЖЭЭНД ОРОЛЦЛОО

Автор: zorigoo от 6-10-2017, 17:14

НЭЭЛТТЭЙ ХААЛГАНЫ ӨДӨРЛӨГ АРГА ХЭМЖЭЭНД ОРОЛЦЛОО

     Хууль зүйн дотоод хэргийн сайдын эрхлэх асуудлын хүрээний агентлаг болон хууль, хяналтын байгууллагуудын зүгээс үзүүлж байгаа ажил, үйлчилгээний нэр төрөл, хүртээмжийг таниулах, төрийн үйлчилгээг шууд үзүүлэх, иргэдэд хууль эрх зүйн мэдлэг ойлголтыг нэмэгдүүлэх зорилгоор Сэлэнгэ аймгийн Мандал сумын гэмт хэргээс урьдчилан сэргийлэх салбар зөвлөлөөс Нээлттэй хаалганы өдөрлөг арга хэмжээг 2017 оны 09 дүгээр сарын 22-ны өдөр 12:00-16:00 цагт "Соёмбот” талбайд зохион байгуулсан.

     Нээлттэй хаалганы өдөрлөг арга хэмжээний үеэр орон нутгийн иргэдийн эрх зүйн мэдлэгийг дээшлүүлэх чиглэлээр Шүүхийн иргэдийн төлөөлөгчийн эрх зүйн байдлын тухай хууль, Эвлэрүүлэн зуучлалын тухай хууль, Шүүхийн тухай багц хуулийн онцлог зохицуулалт, шүүхийн шинэтгэлийн 10 үр дүн, Шүүхийн үйлчилгээг иргэдэд хүргэх сэдвээр мэдээлэл өгч, иргэдээс шүүхийн шүүгч, шүүхийн захиргааны ажилтнуудын харилцаа хандлагын талаар судалгаа авч ажиллаа.

     Уг арга хэмжээнд Сэлэнгэ аймгийн Мандал сум дахь сум дундын шүүхийн тамгын газрын шүүхийн захиргааны ажилтнууд оролцсон болно.

dle 10.2 скачать КиноПират фильмы КиноСвин рунета

Шүүхийн Ерөнхий Зөвлөлийн мэдээлэл

Зургийн цомог