ДАГНАСАН ШҮҮХИЙН ТОГТОЛЦОО: ХҮҮХДИЙН ЭРХ АШИГ БА ГЭР БҮЛ

ДАГНАСАН ШҮҮХИЙН ТОГТОЛЦОО: ХҮҮХДИЙН ЭРХ АШИГ БА ГЭР БҮЛ

сэдэвт олон улсын Эрдэм шинжилгээний хурал болно.

Шүүх байгуулах тухай хуулийн шинэчилсэн найруулгаар Гэр бүл, хүүхдийн хэргийн анхан болон давж заалдах шатны шүүхийн үйл ажиллагааг 2026 оны 1 дүгээр сарын 1-ний өдрөөс эхлүүлэхээр тогтсон билээ. Дагнасан шүүх байгуулахтай холбогдуулан Монгол Улсын дээд шүүх, Шүүхийн академи, Олон улсын эрх зүйн хөгжлийн байгууллага болон Ханнс-Зайделийн сан хамтран “Дагнасан шүүхийн тогтолцоо: Хүүхдийн эрх ашиг ба Гэр бүл” сэдэвт олон улсын эрдэм шинжилгээний хурлыг зохион байгуулах гэж байна. 

Хуралд Монгол, Америк, Австрали, Герман, Турк, Солонгос, Япон,  Нидерланд зэрэг орноос шүүгч, эрдэмтэн, судлаач, холбогдох салбарын 120 гаруй зочин төлөөлөгч оролцоно.  

Энэ удаагийн олон улсын хурлаар

Гэр бүл ба хамтын амьдрал, үрчлэлт, гэрлэлт цуцлалт, эх нялхас, хүүхдийн ашиг сонирхол, асран хамгаалалт, дундын эд хөрөнгийн харилцаан дахь тулгамдсан асуудал

Өсвөр насны хүнд холбогдох хэргийг хянан шийдвэрлэх ажиллагаа

Гэр бүл, хүүхдийн хэргийн шүүхийн хэрэг хянан шийдвэрлэх ажиллагаа ба шүүхийн бүтэц, зохион байгуулалт гэсэн гурван үндсэн хэсгийн дор илтгэл тавьж, хэлэлцүүлэг өрнүүлж, туршлага солилцох юм.

Олон улсын эрдэм шинжилгээний хурлыг 2025 оны 6 дугаар сарын 25-ны өдөр Улаанбаатар хотноо зохион байгуулна